Kaleidoscope - Kuch log galliyon mein ghumte the aur unke pass ek aisi hi chez hoti thi, aap ek gol jagah se dekhte the aur andar duniya bhar ki sundar jagahon ke nazare dekhne ko milte the, sirf 2 rupae mein. Upar se woh gaane bhi laga deta tha aadmi, jiski koi zarurat nahi hoti thi, par theek hai. Aisi chez ka naam to theek se nahi pata mujhe. Mere khayal se aisi chez 1947-Earth movie mein bhi dikhai thi.

Sugar candy threads - Yahan par bhi naam to nahi yaad. Cheeni ko ek badi se chez ke beech mein daal dete the, neeche se aag jalti thi, aur haat se handle ghumaya jaata tha jisse gulabi cheeni ke dhage bante the, woh cheez aaj bhi milti to hai par woh machine kahin dikhai nahi deti. Mujhe aaj tak pata nahi chala ek woh kaam kaise karti thi.

Meethi Cigarette - Bachpan mein cig phookne ka to tha nahi, meethi cigarette se hi style maar liya karte the.

Raat ko bahar taare dekhna - Pehle to light itni zyada jaati thi aur raat ko sab bahar sote the, raat mein dher saare taare dekhne ko mil jaate the, ab to yaad hi nahi aata. Haan boss bahut baar din mein taare dikha deta hai.

Ek paisa, do paise ke sikke - Kahin pade hue hain abhi bhi mere pass, saal mein ek baar to nikal ke dekh hi keta hun.

Aap log kya miss karte hain?